سبق صحفي مع الحج google الديري !!!

شكون اسمك الحقيقي؟
اسمي الحقيقي هو Google والناس اغلبها تعرفني باسم (كوكل).

(والله والنعم منك ومن اللي خلفك )

شقدعمرك يابا ؟
عمري والله 12سنه.
(العمر كلو ان شاء الله )

منو اكثرواحد من الناس تحبو؟
معلمي وتاج راسي الدكتور إيريك سكميدت.



ليش دخلت بمجال النت مو بمجالات غيرها ؟
مشان ازيد ثقافتي وانصح الشباب تايزيدون ثقافتهم وينافسوني
(لا والله وصلت معناتو )

شقد تاريخ ميلادك؟
والله مواليدي /الشهرالعاشر 1998.


شكوني امنيتك الحاليه؟
والله اكون من الناس اللي تدل على الخير وتنهى عن المنكر.
(والله ابن حلال)

شقد عندك اخوة؟
والله الاخوه 13واحد تريداعدهم؟
(لايستر على عرضك نريد نخلص )

شقد ترتيبك بين اخوانك ؟
اكيد الأول
(والله من خلف مامات)

عندك ويلاد وشكون اسمائهم؟
اي بالله عندي خمسة والحمدلله كلهم موظفين وهاي اسمائهم:.
جوجل الأرض (Google Earth)
جوجل سطح المكتب
جوجل نول
جوجل اناليتكس Google Analytics
جوجل بليكس
(ماشاء الله عليهم شغالين كلهم اللهم لاحسد )

سؤال محرج شوي :شكونو الشي اللي عملتو وندمت عليه ؟
والله السؤال محرج بس راح اجاوبك
وصلتو بعض الزغار على مواقع جيفة.
(لابارك الله فيك)

شكون الشي اللي خلاك تبجي من كل قلبك ؟
بعض من الناس تكثراستخدامي في بمالايرضي الله عز وجل.
(لاحول ولاقوةالا بالله)

طيب شكونو الشي اللي خلاك تفرح من كل قلبك ؟
فرحتو لشباب جثيرين اعملتولهم واسطه توظفو عن طريقي.
(الله يعلي شانك )

شكون الشغلات اللي تنزعج منها؟
كثير شغلات تزعجني بس اهمها :

1-بعض الناس تستخدمني احيانا في مالايرضي رب العالمين .
2-بعض الناس تكلفني بشغلات احيانا مااقدر اعملها .
3-بعض الناس ماتوضحلي طبيعه الشغلة اللي لازم اخدمهم بيها .
4-مايعذروني لما ابعثلهم رسالة: (الموقع المطلوب غير متاح).
(معذور يابا انا اجاوبك عنهم)

ليش رشحت حالك تانعمل معاك هالمقابلة ؟
تااوضح بعض الشغلات اللي جانوا يجهلها ناس جثيرة .


قصيده تمنيت تكون شاعرها؟
القصيده الي جنتو اتمنى اكون شاعرها
قصيده بعثها الي واحد خليجي معجب بيني .
وهويحجي عن الناس اللي تستخدم النت بامور سيئة.
وهاي هي :

تكفى طلبتك عدم احراج قوقِل*
ولاتساله عن كل حاجه في بالك
وفر مسائل بالاصل مالها حل*
وشلون يعرف قوقل الي جرالك
ولا تزعجه ياخوي في كل مشكل*
خل المشاكل بين فكرك وحــالك
وقوقل محرك بحث ماهو ممول*
تطلب منه ياخوي كل مبدالك
وحط المؤشر في مربعه وانزل*
واكيد تعرف ماكتبته اقبالك
بشاطئ حزن كتبتها بشمس وبظل*
ودهمها موج من البحر كان هالك


+!+إهداء لعيون الديرية+!+