طــــــــــفلا وجــــــــــاهلا

عضو جديد **♣ مشآرٍڪْآتِي »** : 11

غبطت طفلا جاهلا مابعد طاش
ما غيّرت دنياه شكله ولونه
يلهيه عن جور الدهر حس لولاش
ما فات ليله بالسهر من شجونه
يبكي على عاجه ويرضيه فشفاش
اهله كرام ابرار ما يغضبونه
قلت آه من دمعا هماليل وارشاش
كن الثريأ ترتطن في مزونه
توي عرفت ان الدهر صحبته ماش
يصك من صكت لياليه شونه
والا البشر دم ولحم كثر ما عاش
لا بد له من يوم تسبل اعيونه
ماله عن المقسوم لو كان ينحاش
يأتي له الديان ياخذ ديونه
من شال عن راس ابرهة تاج الاحباش
يمر عقب آدم وهم ما يبونه
الموت يأخذ عكف الاشناب ببلاش
ويختار وأهل الدم ما يطلبونه
ياليت عزراييل ما مر هواش
ليت السليمي قصر الموت دونه
ياليت ما يملك يميني وماحاش
يفداه لو هو بالثمن يعرضونه
بالعون ما ينسى صديقه سوى اللاش
ولا انساه والله لو تقافت اضعونة
ذكرى وفاء ينبض بها الدم بالجاش
الشاعر اللي مثلنا يذكرونه
شاعر فحل يعجبك قافه الى شاش
كن الجواهر من مصانع إلحونه
بحر الأدب تلطم شواطيه وإن طاش
تلقى البواخر سابحه في اركونه
عفيف ما يرمي على الناس بطفاش
ما هان احد ولا يداني مهونه
والله لو ان المقادير تنهاش
لا أحماه عن شر الدهر لايخونه
واللي فقد مثلي كما الحر هواش
يفقد مراسيل النعاس بجفونه
لفوه من تحت الثرى بأبيض الشاش
يا كبر قدره عند من يدفنونه
روابعي وردن على جوّه اعطاش
حامن على قبره وعافن سكونه
عساه بالجنه من الخلد بفراش
في جاه من كوّن على العرش كونه

ربي يجعلنا من سكان النعيم
وتسلم يداك

وتقبل مروري

عضو مجتهد **♣ مشآرٍڪْآتِي »** : 183

ربي يحفظك ويخليك لعين ترجيك وتسلم ايدك روووعة بالانتقااء
دمت يالغالي